Burri u kthye shumë vonë në shtëpi. Jashtë kishte pirë alkool, ishte dehur dhe në këtë gjendje e bëri copëcopë një enë të shtrenjtë, e pastaj volli dhe ra përtokë. Erdhi gruaja e vet, e ngriti dhe e shtriu në shtrat, e pastaj u kthye ta pastronte vendin.
Kur burri u zgjua në mëngjes, ia morri mendja se gruaja është zemëruar me të për atë që ndodhi natën e kaluar dhe u ngrit duke e lutur Zotin që të mos ketë zënka mes tyre. Mirëpo, burri u habit kur e gjeti një letër nga gruaja e tij ku shkruante: ”I dashuri im, ushqimi yti mëngjesit që ti e preferon është gati mbi tavolinë, kurse unë u detyrova të dal herët e t’i blej disa gjëra nga shitorja. Do të kthehem te ti shumë shpejt. Të dua!”
Burri u habit nga fjalët e saj edhe përkundër asaj që e bëri natën kur ishte i dehur. Iu afrua fëmijës së vet dhe e pyeti:
- Çfarë ndodhi mbrëmë natën?
Fëmija u përgjigj:
Nëna kur deshi të të vendosë mbi shtrat, të t’i zbathë këpucët dhe të ta zhveshë këmishën, ishe i dehur si i vdekur, e ti i the asaj: “Oj ti grua, mos më prek, më lërë mua dhe problemin tim, unë kam grua dhe jam i martuar!”
Fjalë për meditim:
Nuk nxisim në bërjen e mëkateve, por ajo që na bie në sy është se sinqeriteti i bën njerëzit që të na i falin gabimet tona dhe ne të përmirësohemi dhe të tjerët të na mëshirojnë.
Përmblodhi dhe përshtati
STUDENTET.MK
