Stagflacioni përmendet shpesh për shkak të krizës ekonomike të shkaktuar nga pandemia e koronavirusit. Çfarë është stagflacioni dhe a duhet të shqetësohemi për të?
Ky term është një kombinim i dy fjalëve – stagnim dhe inflacion. Ajo shënon një periudhë të rritjes së ulët ekonomike dhe normave të larta të papunësisë, derisa rriten kostot e jetesës.
Ky është një problem, sepse masat e zakonshme për uljen e inflacionit mund të ngadalësojnë më tej rritjen ekonomike. Bankat qendrore mund të ulin inflacionin duke rritur normat e interesit, por kjo do të thotë se vendosja e parave në treg do të jetë më e shtrenjtë. Kjo mund të rezultojë në një ngadalësim të mëtejshëm të ekonomisë.
Stagflacioni më i keq në Shtetet e Bashkuara ndodhi në fund të viteve 1970. Inflacioni arriti në 13,3 për qind në vitin 1980, ndërsa shkalla e papunësisë në vitin 1982 ishte 10,8 për qind.
Rritja e çmimeve të energjisë dhe vështirësitë në zinxhirin e furnizimit global po kontribuojnë në inflacion. E gjithë kjo ndodh në një pandemi të koronavirusit.
Megjithatë, ekonomistët janë të ndarë nëse paralajmërohet një kthim në stagflacion. Disa besojnë se faza e hershme e stagflacionit është vendosur tashmë, ndërsa të tjerë besojnë se nuk është e pashmangshme. Nisur nga sa më sipër, ka të ngjarë që bankat qendrore të duhet të ndërhyjnë, përfundon Forumi Ekonomik Botëror.
Përgatiti dhe përshtati:
WWW.STUDENTËT.MK
