Ekspertët thonë se një dozë sheqeri e dhënë si xhel, e fërkuar në brendësi të qiellzës, është një mënyrë efektive për të mbrojtur foshnjat e lindura para kohe nga dëmtimi i trurit.
Sheqeri i ulët i gjakut prek rreth një në 10 foshnja të lindura shumë herët. Kjo gjendje e patrajtuar, mund të shkaktojë dëm të përhershëm.
Studiuesit nga Zelanda e Re testuan terapinë me sheqer në formë xheli në 242 foshnja nën kujdesin e tyre dhe, bazuar në rezultatet, thonë se tani duhet të jetë një trajtim i linjës së parë. Puna e tyre është botuar në The Lancet.
Doza e sheqerit
Trajtimi me xhelin dekstrozë kushton pak më shumë se 1£ për fëmijë dhe është më i thjeshtë për t’u administruar sesa glukoza përmes një pike, thonë Profesor Jane Harding dhe ekipi i saj në Universitetin e Auckland. Trajtimi aktual zakonisht përfshin ushqim shtesë dhe analiza të përsëritura të gjakut për të matur nivelet e sheqerit në gjak. Por shumë foshnja pranohen në kujdesin intensiv dhe u jepet glukozë intravenoze sepse sheqeri i tyre në gjak mbetet i ulët – një gjendje që mjekët e quajnë hipoglicemi.
Studimi vlerësoi se trajtimi me xhel dekstrozë ishte më efektiv sesa të ushqyerit vetëm në kthimin e hipoglikemisë.
Neil Marlow, nga Instituti për Shëndetin e Grave në Kolegjin Universitar të Londrës, tha se megjithëse xheli i dekstrozës kishte rënë në mospërdorim, këto gjetje sugjeruan se ai duhet të ringjallet si një trajtim. Tani kishim prova të cilësisë së lartë se ishte me vlerë, tha ai.
Andy Cole, shefi ekzekutiv i bamirësisë për foshnjat e parakohshme Bliss, tha: “Kjo është një pjesë shumë interesante e hulumtimit të ri dhe ne gjithmonë mirëpresim çdo gjë që ka potencial për të përmirësuar rezultatet për foshnjat e lindura para kohe ose të sëmurë.
Ky është një trajtim me kosto efektive dhe mund të zvogëlojë pranimet në shërbimet e kujdesit intensiv, të cilat tashmë janë duke punuar në nivele të larta kapaciteti.
“Ndërsa rezultatet e hershme të këtij hulumtimi tregojnë përfitime për foshnjat e lindura me sheqer të ulët në gjak, është e qartë se ka më shumë kërkime për të bërë për të zbatuar këtë trajtim.”
Burimi: https://www.bbc.com/news/health-24224206
E veçanta e kësaj metode të lartpërmendur është fakti se bën pjesë edhe në praktiken islame. Këtë metodë mund ta gjejmë në hadithin më poshtë të profetit Muhamed, me transmetim të saktë.
Ebu Musa transmeton: “Kur më lindi mua një fëmijë, shkova te Profeti, bekimi dhe mëshira e Zotit qofshin mbi të, e ai e emëroi atë Ibrahim pas kësaj e mori një hurmë e përtypi dhe pastaj e fërkoi gojën e fëmijës me hurmë”.
Përgatiti dhe përshtati:
STUDENTET.MK
