Microsoft njoftoi të Premten se Bill Gates po largohet nga bordi i kompanisë. Gates gjithashtu po tërhiqet nga pozicioni i tij në bordin e Berkshire Hathaway. Më poshtë e keni deklaratën që ka dhënë Bill Gates, për gjendjen e tij aktuale.
“Unë kam marrë vendimin të tërhiqem nga të dy bordet publike, në të cilat shërbej – Microsoft dhe Berkshire Hathaway – t’i kushtoj më shumë kohë përparësive filantropike, përfshirë shëndetin dhe zhvillimin global, arsimin dhe angazhimin tim në rritje në trajtimin e ndryshimit të klimës”, tha Gates në LinkedIn. “Udhëheqja në kompanitë e Berkshire dhe Microsoft nuk ka qenë kurrë më mirë se tani, kështu që koha është e duhur për të ndërmarrë këtë hap.”
“Në lidhje me Microsoft, të tërhiqesh nga bordi, në asnjë mënyrë nuk do të thotë të largohesh nga ndërmarrja”, tha Gates. “Microsoft do të jetë gjithmonë një pjesë e rëndësishme e punës sime të jetës dhe unë do të vazhdoj të angazhohem me Satyan dhe udhëheqjen teknike për të ndihmuar në formimin e vizionit dhe arritjen e qëllimeve ambicioze të kompanisë. Ndihem më optimist se kurrë në lidhje me progresin që po bën ndërmarrja dhe si mund të vazhdojë të përfitojë në botë.”
Gates bashkëthemeloi Microsoftin në vitin 1975 me Paul Allen, i cili vdiq në vitin 2018. Gates ishte CEO deri në vitin 2000 kur Steve Ballmer mori rolin. Drejtori i përgjithshëm aktual i Microsoft, Satya Nadella, mori përsipër kompaninë në vitin 2014. Gates ishte drejtor i bordit në Microsoft deri në vitin 2014, por filloi t’i kushtonte më shumë kohën e tij fondacionit Bill & Melinda Gates në vitin 2008.
Gates është ndër aksionarët kryesorë të Microsoft. Ai zotëron 1,36% të aksioneve, sipas FactSet. Kompania doli publike në vitin 1986 dhe tani është një nga kompanitë më të vlerësuara në botë me një çmim tregu prej 1,21 trilion dollarë.
Është një nder dhe privilegj i jashtëzakonshëm për të punuar me të dhe mësuar nga Billi ndër vite”, tha Drejtori i Përgjithshëm i Microsoft Satya Nadella. “Bill themeloi kompaninë tonë me një besim në forcën demokratizuese të softuerit dhe me një pasion për të zgjidhur sfidat më të ngutshme të shoqërisë. Bordi ka përfituar nga udhëheqja dhe vizioni i Billit. Microsoft do të vazhdojë të përfitojë nga pasioni dhe këshillat teknike të vazhdueshme nga Bill për të drejtuar produktet dhe shërbimet tona përpara. Unë jam mirënjohës për miqësinë e Billit dhe mezi pres të vazhdoj të punojë së bashku me të për të realizuar misionin tonë për të fuqizuar çdo person dhe çdo organizatë në planet për të arritur më shumë.”
Përmblodhi dhe përktheu:
STUDENTET.MK
