Gazeta Saudite
JEDDAH – Një inxhinier saudit ka shpikur një ombrellë me ajër të kondicionuar “Makkah Umbrella” e cila punon duke përdorur energjinë diellore ose madje edhe bateritë për të ndihmuar pelegrinët të shmangin dehidrimin dhe lodhjen e nxehtësisë gjatë sezonit të Haxhxhit, ndërsa temperaturat arrijnë mbi 40 ° C në vendet e shenjta.
Mohammed Hamid Sayegh, një banor i Mekës, u pyet nga një mik shumë i ngushtë dhe kolegët e tij të tjerë inxhinierik që të mendonin për ide kreative për t’i bërë gjërat të lehta për pelegrinët për Haxhin 2017 sidomos që parashikuesit e motit presin temperatura “jashtë normales”.
Gjatë publikimit zyrtarë të shpikjes së tij këtu në Jeddah, Sayegh tha se “kërkesa për ombrella është rritur gjatë viteve të fundit për shkak të nxehtësisë së lartë dhe shumica e pelegrinëve të huaj nga Evropa, Azia dhe pjesë të tjera të botës preferojnë të përdorin ombrella gjatë udhëtimit të Haxhxhit.”
Sayegh fillimisht mendoi të instalonte një helikë të ndërtuar brenda ombrellës për të mbajtur pelegrinët të “ftohtë” gjatë ditëve të Haxhxh-it.
Duke përshkruar shpikjen e tij, ai tha: “Kjo ombrellë me ajër të kondicionuar punon duke përdorur energjinë diellore ose duke u ngarkuar me energji elektrike ose bateri. Është e lehtë (vetëm 610 gram), e lehtë për t’u përdorur, ka dy helika dhe lidhet në mënyrë të lehtë me çdo shishe uji të instaluar në tendë me një pompë dore për të shtyrë ujin tek sprinklerët “.
Ombrella, tha ai, është në gjendje të punojë orë të gjata duke spërkatur ujin përmes pompave. Karakterizohet nga kapacitete të larta dhe është ekonomike në konsumin e ujit duke e bërë atë një zgjedhje ideale për pelegrinët, sidomos gjatë këtij viti dhe viteve që do të dëshmojnë rritje të paparë të temperaturës “.
Raed Matar, menaxher i marketingut dhe shitjes i “Makkah Umbrella” ishte i lumtur me ardhjen e kësaj ombrelleje këtë vit, që u bë në Kinë për të krijuar një atmosferë të përshtatshme në vendet e shenjta.
Ai gjithashtu vuri në dukje se kjo ombrellë unike nuk do të përdoret vetëm nga pelegrinët, por edhe nga të tjerët në këtë mot të nxehtë.
“Për shkak të temperaturës së tillë që shkakton vështirësi për mysafirët e Allahut, na bëri të punojmë shumë për ta bërë këtë ombrellë të disponueshme në treg para fillimit të sezonit Haxhxh. Ne gjithashtu kemi siguruar që çmimi është i përballueshëm për të gjithë, “tha ai.
Sayegh e ka regjistruar tashmë shpikjen e tij në King Abdulaziz City for Science and Technology (KACST).
Mirëpo mbetet të konfirmohet se a do të shkaktojë efekte anësore (kokëdhembje) inovacioni i tillë?!
Përmblodhi dhe Përshtati :
Studentet.mk
