“Nga përvoja e deritanishme e mësimdhënies vetëm në mënyrë elektronike, pamë se studentët treguan rezultate shumë më të këqija tek provimet në sesionin e verës, i cila u zhvillua në mënyrë të kombinuar. Ulur në shtëpi, duke mos bashkëvepruar me kolegët, vetë kjo situatë në të cilën gjendemi shkakton ulje të motivit për të mësuar”, thotë dekani i Fakultetit Filozofik, Ratko Duev.
Si është më mirë të mësohet në vitin e ri akademik 2020/2021? Me prani fizike, tërësisht online apo në mënyrë të kombinuar? Gjatë kësaj periudhe studentët e universitetit “Qirili dhe Metodi” në Shkup, përmes kuvendeve të tyre universitare, po kryejnë një sondazh për të cilin duhet të votojnë. Sesioni i shtatorit është në zhvillim e sipër, i cili po zhvillohet me kombinim. Fakultetet lëvdohen se nuk ka pengesa në realizimin e provimeve. Por çfarë të presim në vjeshtë, gjegjësishtë nga 1 tetori, kur edhe duhet të fillojë viti i ri akademik?
“Është më mirë që mësimi nga tetori të zhvillohet në kombinim me praninë në fakultete (sipas protokolleve për mbrojtje nga koronavirusi) dhe me mësim online. Kjo është veçanërisht e rëndësishme për studentët që do të fillojnë studimet në vitin e ri shkollor dhe do të hyjnë në ndërtesat e fakulteteve për herë të parë, në mënyrë që ata të njihen me studimet, profesorët, shërbimet dhe ambientet e ndryshme.” thotë dekani i Fakultetit Filozofik, Ratko Duev.
Sipas Prof. Dr. Duev, orari i klasave duhet të respektohet, në mënyrë që një pjesë e ligjëratave të zhvillohen në mënyrë elektronike, dhe një pjesë – veçanërisht ushtrimet, të zhvillohen në ambiente fizike, për ta ulur frekuencën e studentëve nëpër fakultete. Kjo është veçanërisht e rëndësishme për shkak të bashkëveprimit midis profesorit dhe studentëve. Sipas presidentit të Asamblesë Studentore të Universitetit, Borjan Eftimov, secili fakultet, në konsultim me studentët, duhet në mënyrë të pavarur, në përputhje me specifikat e kurrikulës, të vendosë se si ta zbatojë mësimin në semestrin e ardhshëm.
-Nëse fakulteti vendos për praninë fizike, atëherë besoj se duke respektuar protokollet, do të garantohet shëndeti i studentëve dhe stafit mësimor – thotë Eftimov.
Prof. Dr. Dimitar Tashkovski, Dekan i Fakultetit të Inxhinierisë Elektrike dhe Teknologjisë së Informative, sipas të gjitha parashikimeve për zhvillimin e situatës së koronavirusit në periudhën në vazhdim, nuk beson se ekzistojnë kushte që mësimi të realizohet me praninë fizike të studentëve.
Para së gjithash, për faktin se një numër i madh i fakulteteve, për shkak të numrit të madh të studentëve, nuk mund të sigurojnë kushte për distancë fizike gjatë ligjëratave dhe ushtrimeve dëgjimore. Përvoja nga semestri i mëparshëm jep shpresë se mësimi mund të realizohet pa probleme në distancë. Në këtë pikë, ky është skenari më realist. Problemi mund të jetë mbajtja e ushtrimeve laboratorike në fakultetet teknike, natyrore, mjekësore, të cilat janë jashtëzakonisht të rëndësishme për zhvillimin e studentëve. Sidoqoftë, pasi që këto ushtrime janë të organizuara në grupe më të vogla, ato mund të realizohen me praninë fizike të studentëve, duke respektuar të gjitha masat e përcaktuara të sigurisë. Parakusht për realizimin e këtij lloji të mësimdhënies do të jetë puna e konvikteve studentore – thotë Tashkovski.
Në “FINKI” është e përshtatshme që të ketë mësim online sipas natyrës së mësimdhënies së informatikës, thotë prof. Dr. Ivan Qorbev.
Viti i ri akademik duhet të krijohet sipas natyrës së fakultetit dhe shkencës me të cilin merret – pavarësisht nëse është e përshtatshme mësimdhënia në internet apo diçka që duhet të bëhet fizikisht, e pastaj numri i studentëve dhe kushtet që fakulteti ka për punë. Ky është pozicioni i prof. Ivan Qorbev, dekan i FINKI-t.
Në rastin më të mirë duhet të ketë mësimdhënie të kombinuar, me ligjërata në internet kudo që të jetë e mundur dhe prani fizike kur është e nevojshme. Në lëminë tonë, është mjaft e përshtatshme të jesh online në përputhje me natyrën e vet mësimit të informatikës – përfundon Qorbev.
Fakulteti i Inxhinierisë së Ndërtimit planifikon, si në këtë semestër, të organizojë leksione në internet me ndihmën e aplikacionit “Zoom”, dhe mbase me “Moodle”, thotë zv/dekani për mësimdhënie, prof. Dr. Zlatko Zafirovski.
Fakulteti i Dizajnit dhe Teknologjive të Mobiljes dhe Enterierit janë gati për mësim online, por ata ende janë duke pritur për fjalën e fundit, pra një vendim të Qeverisë. Mësimi i kombinuar është më i miri për studentët dhe stafin mësimor, thotë prof. Dr. Emilija Fidancevski, dekane e Fakultetit të Teknologjisë dhe Metalurgjisë.
Kjo nënkupton mbajtje të ligjëratave në klasë, prani fizike për disa studentëve, dhe online për ata studentë që nuk janë në gjendje të marrin pjesë. Ushtrimet laboratorike bëhen më së miri me praninë fizike. Por, pas njoftimeve për periudhën e ardhshme, mësimi në internet do të jetë zgjidhja më e sigurt – beson Fidancevski.
Në Fakultetin e Mjekësisë ndoshta do të ofrohet një qasje e kombinuar, por gjithashtu varet nga situata kovidike në atë kohë.
E gjitha varet nga situata me epideminë në atë moment. Sidoqoftë, ka ende 30 ditë deri atëherë dhe me siguri do të shkojmë me një qasje të kombinuar. Mësimdhënia të jetë online, ndërsa ushtrimet praktike të jenë të kombinuara me të gjitha masat paraprake. Ashtu si në seancën e qershorit, edhe në shtator gjithçka është në rregullin më të mirë dhe shkon pa probleme. Kemi edhe një qasje të kombinuar për provimet – thotë dekanja, prof. Dr. Sonja Topuzovska.
Në Fakultetin e Arteve Muzikore, aktualisht janë duke u zhvilluar disa opsione që do të korrespondonin me specifikat e programeve të tyre të studimit, mundësitë e institucionit dhe rekomandimet dhe protokollet e përgjithshme, thotë prof. Dr Zhivko Firfov, dekan i FMU.
Tani jemi duke punuar në disa opsione që do të korrespondonin me specifikat e programeve tona të studimit, mundësitë e institucionit dhe rekomandimet dhe protokollet e përgjithshme për mbrojtje kundër përhapjes së Covid-19. Nëse kushtet dhe situata me pandeminë lejojnë, mësimi hibrid (mësim i kombinuar në internet dhe prani fizike) ose vetëm mësim në internet është i mundur.
Burimi: Fakulteti.mk
Përktheu dhe përmblodhi
STUDENTET.MK
