Ditëve të fundit jemi dëshmitarë të pandemisë, e shkaktuar nga COVID-19 e cila ka marrë përmasa globale, dhe si pasojë shumica e shteteve kanë shpallur gjendje të jashtëzakonshme në territoret e tyre. Nxënësit, studentët, si dhe disa institucione po zhvillojnë procesin e punës në mënyrë elektronike. E gjithë kjo, falë përparimit teknologjik i cili ofron zgjidhje, vazhdim, dhe jo pezullim të detyrave që kanë të lartëpërmendurit.
Në këtë artikull, ne do ua paraqesim një përmbledhje me disa nga aplikacionet/platformat të cilat ofrojnë realizimin e punës dhe procesit edukativo-arsimor duke qëndruar në shtëpi, ku do të mund të njoftoheni më shumë me atë se çka ofrojnë këto aplikacione.
Zoom
Zoom është pa dyshim qendra e dashur dhe qendra e komunikimit me aq shumë njerëz që punojnë aktualisht, studiojnë ose thjesht rrinë në shtëpi.
Zoom është një platformë e fuqishme video konferencash me cloud, e cila ju lejon të organizoni takime me qindra pjesëmarrës. Duke përdorur Zoom, arsimtarët mund të ndajnë planet mësimore, të japin udhëzime, shkëmbejnë skedarë me studentët dhe të komunikojnë direkt me grupin ose individët përmes bisedës, të gjitha brenda aplikacionit.
Google Classroom
Google Classroom u lejon mësuesve të krijojnë një klasë në internet në të cilën ata mund të menaxhojnë të gjitha dokumentet që u duhen studentëve të tyre. Dokumentet ruhen në Google Drive dhe mund të redaktohen në aplikacionet e Drive, të tilla si Google Docs, Sheets, etj. Por, ajo që e ndan Google Classroom nga përvoja e rregullt e Google Drive është ndërlidhja mësues-student, të cilën Google e dizajnoi për mënyrën se si mësuesit dhe studentët mendojnë dhe punojnë.
Ja çfarë mund të bëni me Google Classroom:
Bëni detyra: Gjëja kryesore që ju si mësues do të bëni me Google Classroom është të bëni detyra shtëpie për studentët tuaj. Kur krijoni një detyrë, mund të ngarkoni dokumentet e nevojshme që studentët të lexojnë ose të punojnë më tej. Studentët marrin njoftim me postë elektronike për detyrën e re, pastaj ata i dorëzojnë detyrat kur t’i mbarojnë.
Bëni njoftime: Nëse keni një njoftim të shpejtë për të gjithë klasën, mund të shkruani shpejt njoftimin, i cili u dërgohet me postë elektronike me të gjithë studentët tuaj në klasë.
Ruani materialet në klasë: Materialet që i shtoni, nuk janë dokumentet e vetme që mund t’i ruani. Ju mund të ruani çdo dokument tjetër të nevojshëm për studentët në Google Drive.
Lejoni studentët të bashkëveprojnë: Studentët kanë aftësinë të komentojnë mbi detyrat dhe njoftimet, si dhe të dërgojnë me postë elektronike me njëri-tjetrin nëpërmjet klasës së krijuar.
Kahoot
Mësuesit shpesh duan të kthejnë një mësim të mërzitshëm në një lojë për të motivuar studentët e tyre, por jo të gjithë kanë aftësi për të bërë një lojë nga e para. Fatmirësisht, platforma GetKahoot e bën të lehtë ta ktheni klasën tuaj në një mënyrë lojrash. E tëra çfarë ju duhet të bëni është të shkruani pyetjet dhe përgjigjet e përgatitura në faqe për të krijuar një lojë menjëherë të luajtshme. Studentët tuaj pastaj mund të shkarkojnë aplikacionin Kahoot për të përdorur si një lëvizës për t’u bashkuar me argëtimin. Filloni me detyra të thjeshta në ekranin fillestar dhe shikoni statistikat tuaja kryesore në zonën tuaj të Profile.
Seesaw
Prindërit duan të festojnë arritjet e fëmijëve të tyre në çdo hap të jetës, kështu që është e rëndësishme t’i mbani ata në vayhdimësi për përparimin e fëmijëve të tyre gjatë gjithë vitit shkollor. Me Seesaw, një aplikacion i portofolit të studentëve, fëmijët mund të ruajnë dhe postojnë punën e tyre më të mirë për t’u ndarë me prindërit e tyre. Mësimdhënësit, nga ana tjetër, mund të japin shembuj konkretë të aftësive të nxënësve të tyre dhe fushat për t’u përmirësuar për prindërit e tyre gjatë takimeve mësues-prindër.
Remind
Remind ua lehtëson mësuesve të komunikojnë me nxënësit dhe prindërit e tyre në kohë reale jashtë klasës. Mund të bëni njoftime në klasë, të filloni biseda në grup ose të kontaktoni njerëz në menyrë private përmes aplikacionit. Mesazhet tuaja, të cilat mund të përmbajnë skedarë, fotografi dhe linqe, madje mund të përkthehen në më shumë se 90 gjuhë, duke bërë të mundur komunikimin me prindërit që nuk e njohin gjuhën antare.
Përmblodhi dhe përshtati:
WWW.STUDENTET.MK
