Shumica e milionerëve, veçanërisht në Shtetet e Bashkuara, nuk janë trashëgimtarë të pasurisë. Ja pesë mësime prej tyre.
Edhe pse ndonjëherë mund të duket si një ëndërr e parealizuar, ndërtimi i suksesit financiar është i mundur ,por vetëm nëse jeni të përgatitur për një udhëtim sfidues dhe shpesh të pakëndshëm.
Kur u pyetën për mësimet kryesore që nxorën gjatë ndërtimit të pasurisë së tyre, milionerët e suksesshëm që e bënë vetë pasurinë ndanë historitë e tyre.
Ata hodhën poshtë rehatinë dhe frikën ,dhe u bënë milionerë. Ja rregullat e tyre
1. Do të jetë e vështirë ,dhe do t’ju duhet të këmbëngulni
Nëse askush tjetër nuk po e financon idenë ose biznesin tuaj, do t’ju duhet të investoni paratë tuaja, që do të thotë shpesh të jetoni me pak para.
“Në rastin tim, kjo do të thoshte të blini një kamion të përdorur përmes një reklame, të shtypni dhe të preni me dorë shabllone të emrit të kompanisë që vizatova në automjet, të merrni hua një shkallë nga një mik dhe të menaxhoni me kujdes fluksin tuaj të parave duke blerë vetëm inventarin thelbësor”, thotë Ane Meginti, autore e podkastit “Si e Ndërtova Biznesin Tim të Vogël”.
2. Duhet të mësoni të bëni atë që ju bën të ndiheni në siklet
Hina Kan, një trajnere e performancës mendore dhe milionere, e kuptoi se çelësi i suksesit nuk është vetëm të kesh një ide, por është gjithashtu të jesh i gatshëm të shesësh.
“Doja të ardhura, por në të njëjtën kohë e refuzova idenë e shitjeve. Gjithçka ndryshoi kur kuptova se pa shitje nuk mund t’i ndihmoja njerëzit. Mësova se shitjet nuk janë diçka që ia bën dikujt, por për dikë.”
3. Nuk ka të bëjë me një moment “aha” ka të bëjë me punën e përditshme
Një moment frymëzues mund t’ju japë një shtysë, por suksesi afatgjatë vjen nga përpjekja e përditshme.
“Suksesi ynë nuk erdhi nga një vendim i shkëlqyer, por sepse bëmë kompromise të vogla, të dhimbshme, por të nevojshme çdo ditë , derisa efektet u grumbulluan”, thotë Gjason Vingant, CEO i Emerald Ocean Ltd.
4. Suksesi varet nga mënyra se si përballeni me dështimin
Dështimi është i pashmangshëm ,por mënyra se si përballeni me të bën një ndryshim të madh.
“Pasuria nuk është shpërblimi për punën e palodhur, por rezultati i dështimit të fokusuar dhe rimëkëmbjes së shpejtë”, thotë Stiv Taplin, CEO i Sonatafy Technology. “Avantazhi më i madh ishte se unë isha e shpejtë në bërjen e gabimeve, pranimin e gabimeve dhe mësimin prej tyre. Nëse do ta kisha kuptuar këtë më herët, do të kisha pasur sukses më shpejt.”
5. Mos prisni për “momentin e duhur” për të filluar
Shumica e njerëzve nuk do të ndihen kurrë 100% gati , por menjëherë duhet të filloni.
“Mos prisni derisa të ndiheni gati, që ekonomia të ndryshojë ose që ju të paguani borxhin”, thotë Ketrin Kamerun e Diamond Academies Coaching. “Filloni të veproni si dikush që tashmë ka pasuri menjëherë ,dhe ai realitet do të bëhet i juaji më shpejt.”
Përgatiti dhe përmblodhi:
WWW.STUDENTET.MK
