Kur personi më i pasur në botë i jep mbështetjen e tij një monedhe virtuale ju e dini që është fjala për një biznes të madh. Elon Musk u ka thënë përdoruesve të një aplikacioni në internet në media sociale, se ai mendon që monedha virtuale e quajtur Bitcoin, është një “gjë e mirë”.
Komentet e tij rezultuan në vlerën e Bitcoin në rritje të konsiderueshme. Aq më shumë, sa që një Bitcoin kaloi nga vlera 3,600£ në Mars të vitit të kaluar në më shumë se 27,000£ tani.
Ndërsa bisedat për monedhën janë bërë globale, Banka e Singaporit ka sugjeruar që monedha 12-vjeçare mund të zëvendësojë arin si rezervën e saj të vlerës.
Çfarë është Bitcoin?
Bitcoin, shpesh i përshkruar si një kriptomonedhë, një monedhë virtuale ose një monedhë dixhitale, është një lloj monedhe që është plotësisht virtuale. Është si një version online i parave të gatshme. Ju mund ta përdorni për të blerë produkte dhe shërbime, por jo shumë dyqane pranojnë Bitcoin dhe disa vende e kanë ndaluar atë plotësisht.
Në tetor të vitit të kaluar, për shembull, shërbimi i pagesave në internet PayPal, njoftoi se do t’u lejonte klientëve të saj të blinin dhe shisnin nëpërmjet monedhës Bitcoin.
Si funksionon Bitcoin?
Çdo Bitcoin është në thelb një skedar në kompjuter i cili ruhet në një aplikacion ‘portofol dixhital’ në një smartphone ose kompjuter. Njerëzit mund të dërgojnë Bitcoina në portofolin tuaj dixhital, dhe ju mund të dërgoni Bitcoina tek njerëzit e tjerë.
Çdo transaksion i vetëm regjistrohet në një listë publike të quajtur blockchain. Kjo bën të mundur gjetjen e historisë së Bitcoin për të ndaluar njerëzit të shpenzojnë monedha që nuk i zotërojnë, duke bërë kopje ose duke zhbllokuar transaksione.
Si i fitojnë njerëzit Bitcoinat?
Ka tre mënyra kryesore që njerëzit i fitojnë Bitcoinat.
- Ju mund të blini Bitcoins duke përdorur para ‘reale’
- Mund të shesësh gjëra dhe të lejosh që njerëzit të të paguajnë me Bitcoins
- Ose ato mund të krijohen duke përdorur një kompjuter
Pse janë të vlefshme Bitcoinat?
Ka shumë gjëra të tjera përveç parave që ne i konsiderojmë të vlefshme si ari dhe diamanti. Bitcoinat janë të vlefshme sepse njerëzit janë të gatshëm t’i këmbejnë ato me mallra dhe shërbime të vërteta, madje edhe para të gatshme.
Pse njerëzit i duan Bitcoinat?
Disa njerëz pëlqejnë faktin që Bitcoin nuk kontrollohet nga qeveria ose bankat. Njerëzit gjithashtu mund të kalojnë Bitcoinat e tyre në mënyrë anonime, megjithëse të gjitha transaksionet janë të regjistruara, askush nuk do ta dinte se cili ‘numër i llogarisë’ është i juaji.
Në një bisedë në internet me përdoruesit e mediave sociale në janar të vitit 2021, njeriu më i pasur në botë, Elon Musk, tha se ai ishte një mbështetës i madh i Bitcoinave. Ai madje shkoi aq larg sa të ndryshojë bion e tij në Twitter në “#bitcoin”.
Ai ka treguar vazhdimisht mbështetjen e tij për monedhat online në vitet e fundit dhe ka shkaktuar lëvizje të mëdha në vlerat e tyre për shkak të pasurisë dhe ndikimit të tij personal. Ky miratim i veçantë çoi në rritjen e konsiderueshme të vlerës së Bitcoin.
Siguria e Bitcoinave?
Çdo transaksion i tyre regjistrohet publikisht, kështu që është shumë e vështirë të kopjosh Bitcoina, të bësh të rrejshëm ose të shpenzosh ato që nuk i zotëron.
Vlera e Bitcoinit është ngritur dhe zbritur gjatë viteve që kur u krijua në 2009 dhe disa njerëz nuk mendojnë se është e sigurt të shndërroni paratë tuaja ‘reale’ në Bitcoina.
Ky shqetësim u shpreh nga kreu i Bankës së Anglisë, Andrew Bailey, në tetor të vitit 2020. Ai tha se ishte “shumë nervoz” në lidhje me njerëzit që përdorin Bitcoin për pagesa, duke treguar që investitorët duhet të kuptojnë se çmimi i tij është jashtëzakonisht i paqëndrueshëm. Me këtë, ai donte të thoshte se vlera mund të ulej ndjeshëm në çdo moment dhe investitorët mund të humbnin shumë para.
Përgatiti dhe përshtati:
WWW.STUDENTËT.MK
