Një ueb biskotë (cookie), i njohur gjithashtu si një biskotë interneti, është një skedar teksti që përmban informacionin që uebfaqja duhet të ruajë në lidhje me një vizitë ose vizitor të veçantë. Skedari ruhet në makinerinë e përdoruesit, mund të fshihet nga përdoruesi dhe mund të lexohet vetëm nga përdoruesi ose faqja në internet që e krijoi atë biskotë. Biskotat (cookies) dhe format e tjera të ruajtjes lokale, janë thelbësore për drejtimin e një rrjeti të përdorshëm. Pa to, faqet e internetit nuk do të mbanin mend cilësimet ose hyrjet tona, preferencat tona ose çfarë përmbajtje kemi parë tashmë.
Pa cookies, një faqe në internet nuk mund të kalojë asnjë informacion nga një pamje e faqes në tjetrën. Për shembull, nëse një faqe në internet si Facebook nuk do të përdorte cookies për të mbajtur mend përdoruesit e regjistruar, përdoruesit do të duhej të futnin emrin e tyre të përdoruesit dhe fjalëkalimin sa herë që klikonin në një link dhe ngarkonin një faqe të re.
Biskotat (cookies) janë një pjesë shumë normale e internetit dhe krejtësisht të sigurta. Ato nuk shkaktojnë dëm për ju ose pajisjet tuaja dhe nuk mund të humbin informacione private për ju. Por, si shumë teknologji tjera, ato mund të abuzohen. Ekziston një shqetësim në rritje në lidhje me keqpërdorimin e biskotave dhe efektin që kjo ka në privatësinë e përdoruesit.
Përgatiti dhe përshtati:
WWW.STUDENTËT.MK
