Ditëve të sodit ju keni më shumë mundësi për zgjedhje të një sistemi operativ se sa kurrë më parë. Windows është ende i popullarizuar, por Mac është një zgjedhje e shkëlqyeshme për profesionistët e informatikës. Google ofron Chromebook që janë të thjeshtë dhe të lirë, gjithashtu edhe laptopët Linux janë një mundësi e mirë.
Por cili është sistemi operativ më i mirë për kompjuterin tuaj të ri? Ne do t’ju japim një përmbledhje të disa sistemeve operative më të njohura që ju mund t’i zgjedhni, së bashku me avantazhet dhe disavantazhet e tyre.
A duhet të përdorni Windows?
Windows është sistemi operativ më i njohur për shumicën e përdoruesve. Microsoft lansoi versionin e fundit Windows 10 në vitin 2015, dhe është një përmirësim i konsiderueshëm në krahasim me versionet e mëparshme si Windows 8. Avantazhi i Windows është që ka një gamë shumë të gjerë të softuerëve në dispozicion. Të gjitha llojet e softuerëve janë të disponueshëm për Windows, nga programet e biznesit deri tek aplikacionet llogaritëse.
Disavantazhi i Windows është se ka probleme sigurie, pasi është objektivi i një sasie të madhe të malware. Nëse do të përdorni Windows, është e rëndësishme që ta mbani të azhurnuar sistemin tuaj operativ.
Një grup njerëzish për të cilët Windows është sistemi më i mirë janë ata që luajnë lojëra. Nëse ju pëlqen të luani lojëra, atëherë sistemi më i mirë operativ për kompjuterin tuaj do të jetë Windows. Përzgjedhja e lojërave të disponueshme në Linux dhe macOS, kohëve të fundit po bëhet më e mirë, veçanërisht që nga fillimi i Apple Arcade dhe Steam duke sjellë platforma mbështetëse përtej Windows.
A duhet të përdorni macOS?
Një sistem operativ i preferuar tek profesionistët e fushës së informatikës është macOS. Për dallim nga Windows, të cilin mund ta instaloni në shumicën e pajisjeve kompjuterike, macOS zakonisht është i disponueshëm vetëm në pajisjet Mac. Mund të instaloni macOS edhe në harduerët jo-Apple për të krijuar atë që quhet Hackintosh, por kjo është shumë komplekse. Për shumicën e përdoruesve që duan të përdorin macOS, do t’ju duhet të blejnë një laptop Mac.
Avantazhi i macOS është mbështetja e tij e jashtëzakonshme për softuer krijues si Adobe Photoshop ose Premier. Këto lloj programesh janë të disponueshëm edhe në Windows, por ata zakonisht funksionojnë më mirë tek macOS. Një pikë tjetër shtesë për macOS është se Apple bën azhurnim rregullisht, dhe se azhurnimi në versionin më të fundit të OS është zakonisht falas. Ai gjithashtu është më pak i synuar nga malware.
Disavantazhi i macOS është se pajisja Apple në shumicën e rasteve është e shtrenjtë, me laptop dhe desktop që kushtojnë mijëra dollarë. Ekzistojnë gjithashtu shumë pak softuer të lirë në dispozicion për macOS në krahasim me sistemet tjera operative, kështu që përgatituni të shpenzoni më shumë edhe për softuer.
A duhet të përdorni Linux?
Një opsion që mund të mos e keni konsideruar në kërkimin tuaj për sistemin më të mirë operativ për një laptop është Linux. Linux ka një reputacion që është i vështirë për t’u përdorur, megjithëse vitet e fundit është bërë më shumë miqësorë për përdoruesit.
Fuqia më e madhe e Linux-it është fleksibiliteti i tij. Ju mund të ndryshoni gjithçka që dëshironi në një sistem Linux, përderisa keni njohuritë e duhura. Kjo është arsyeja se pse sistemi operativ është kaq i popullarizuar në mesin e përdoruesve që duan të kryejnë detyra komplekse në mënyrë efikase.
Sidoqoftë, për përdoruesin mesatar sistemi operativ Linux nuk është shumë i pëlqyer, pasi që disa njerëz frikësohen nga linja e komandës (cmd), dhe mund të zgjasë shumë kohë derisa të mësoni komandat që ju nevojiten për të përdorur sistemin operativ në mënyrë efikase. Për këtë arsye, Linux nuk është i përshtatshëm për përdoruesit e nivelit mesatar.
Ka një fushë në të cilën Linux shkëlqen absolutisht, megjithëse po ringjall harduerin e vjetër. Nëse keni një kompjuter të vjetër me sistem operativ Windows i cili është shumë i ngadaltë, provoni të instaloni një shpërndarje të lehtë të Linux-it mbi të dhe mund të jeni në gjendje ta vazhdoni ta përdorni atë për detyra të thjeshta si shfletimi në internet dhe emaili.
Përgatiti dhe përshtati:
WWW.STUDENTËT.MK
