Mos u shqetësoni nëse jeni i papunë se punëdhënësi do t’ju refuzojë për shkak të diferencës së madhe kohore midis dy punëve.
Një sondazh i ri i portalit të internetit “CareerBuilder.com” tregon se shumica e punëdhënësve e kuptojnë “vrimën” në CV-në tuaj. Anketa tregoi se rreth 40 për qind e të papunëve kanë qenë pa punë për gjashtë muaj ose më shumë.
“Është një mit që të qenit i papunë ndikon negativisht në shanset tuaja për të gjetur një punë tjetër, por hulumtimet tregojnë se kjo nuk është e vërtetë”, tha Rosemarie Hefner, drejtore e burimeve njerëzore në CareerBuilder. Por ajo theksoi se është e dëshirueshme që ajo hapësirë vakum të përdoret në mënyrë produktive. Këtu janë dhjetë idetë që ajo ndau:
Pranoni një punë të përkohshme ose një kontratë me afat të caktuar
Gati 80 përqind e punëdhënësve të anketuar rekomandojnë këtë hap, pavarësisht nga lloji i punës. Çështja është të tregosh se çfarë je i aftë dhe nëse tregohesh, mund të të ofrojnë një kontratë të pacaktuar.
Përmirëso veten
Një nga rekomandimet e punëdhënësve është që të regjistroheni në një kurs dhe të përmirësoni njohuritë tuaja. Regjistrimi në një kurs të lidhur me punën dërgon një mesazh që dëshironi të përparoni.
Vullnetar
Rreth 60 përqind e punëdhënësve deklaruan se informacioni nëse një kandidat i mundshëm kishte qenë vullnetar ndikoi në vendimin përfundimtar.
Filloni biznesin tuaj
Nëse keni mundësi, provoni të drejtoni një biznes vetë. Do të mësoni shumë gjëra që do t’ju ndihmojnë të kuptoni se si funksionon bota e biznesit.
Shkruani një blog profesional
Kjo është një mundësi e mirë për të provuar veten si ekspert, por kurrë nuk e dini se kush do ta lexojë blogun tuaj, ndoshta edhe shefi i ardhshëm.
Krijo lidhje
Krijoni lidhje në rrjetet sociale, lidhuni me kolegë, miq nga profesioni juaj.
Përdorni kohën për ide të reja
Kandidatët që vijnë në një intervistë pune me ide të reja dhe të freskëta kanë shanse më të mira se ata që nuk janë krijues.
Ndiqni shpalljet me profesionet më të kërkuara
Nuk mund të jetë kurrë tepër vonë për të konsideruar rikualifikimin ose ndryshimin e drejtimit që keni marrë.
Përdorni fjalë kyçe në rezymenë tuaj
Hulumtimet kanë treguar se shumë punëdhënës vlerësojnë rezymetë që kanë fjalë si vullnetarizmi, blog, kurs.
Konfirmim shtesë
Sipas sondazhit, gjëja e fundit që duhet të bëni është të falënderoni për mundësinë për të biseduar. Shkruani me dorë nëse është e mundur, por do të lërë një përshtypje të mirë edhe përmes emailit.
Përmblodhi dhe përshtati;
www.studentet.mk
