Biogazi është një nga burimet alternative më të përdorura për prodhimin e energjisë së ripërtëritshme. Është rezultat i dekompozimit në mungesë të oksigjenit (proces i quajtur tretje anaerobe) e substancave të ndryshme organike, nga një sasi e madhe e baktereve.
Energjia e përfshirë në lidhjet kimike lëshohet dhe ruhet kryesisht në metan (CH4) i cili, së bashku me dioksidin e karbonit (CO2) është përbërësi kryesor i biogazës. Substancat e tjera, të pranishme në përqindje më të ulëta, janë monoksidi i karbonit, azoti, hidrogjeni, sulfidi i hidrogjenit.
Në figurën e mëposhtme gjendet një impiant për biogaz.
Biogazi ka një vlerë të lartë kalorifike dhe mund të shndërrohet në energji elektrike dhe nxehtësi. Mbetjet e fermentimit quhen tretje, e cila është një material i lëngshëm plotësisht pa erë, me vlerë të lartë agronomike, me karakteristika të përmirësuara në krahasim me materialin fillestar.
Biogazi është identifikuar nga BE në mesin e burimeve jo fosile të ripërtëritshme të energjisë që mund të sigurojnë jo vetëm energji të vetë-mjaftueshme, por edhe uljen graduale të gjendjes aktuale të ndotjes së ajrit dhe me këtë edhe efektin e serrës.
Si punojnë sistemet e energjisë së biogazit?
