Të dyja, diversiteti bakterial në stomak dhe stërvitja e rregullt janë të rëndësishme kur është fjala për shëndetin. Por si lidhen këto dyja? Një studim i ri zbulon efektin që stërvitja ka për shëndetin tonë duke rregulluar balancën e mikrobiomës së zorrëve.
Megjithëse kjo mund të duket e çuditshme, trupat njerëzorë në të vërtetë janë bërë, sipas vlerësimeve të fundit, nga po aq bakterie dhe mikroorganizma sa edhe qelizat e rregullta njerëzore.
Vetëm në zorrën e trashë – traktin që përmban numrin më të madh të qelizave bakteriale – ka rreth 38 trilion bakterie.
Këto bakterie kanë efekte të rëndësishme në gjendjen e shëndetit tonë, dhe humbja e diversitetit bakterial në zorrë është i lidhur me një rrezik të rritur të sëmundjes.
Tani, një studim i ri sugjeron që niveli i aktivitetit fizik të një personi mund të ndikojë në diversitetin bakterial në zorrën e tyre dhe kështu të ndikojë në shëndetin e tyre.
Lidhja midis stërvitjes dhe zorrëve
Studiuesit e dinin se një stërvitje kardio-respiratore – efikasiteti i së cilës, sistemet e qarkullimit të gjakut dhe të frymëmarrjes sjellin oksigjen gjatë ushtrimit – u shoqërua me shumëllojshmërinë më të madhe bakteriale, por nuk ishte e qartë nëse kjo ishte për shkak të aktivitetit fizik ose përqindjes së yndyrës trupore të individit.
Për të zbuluar këtë, ekipi ka punuar me një grup prej 37 pjesëmarrësish të cilët ishin trajtuar me sukses për kancer të gjirit jo metastatik.
Vendimi për të punuar me këtë grup ka ardhur nga fakti se trajtimi i kancerit në mënyrë tipike ka një ndikim negativ në shëndetin metabolik, duke përfshirë aftësinë kardio-frymëmarrëse.
Pjesëmarrësit ranë dakord të bëjnë ushtrime të kordinuara në mënyrë që kërkuesit të mund të vlerësonin aftësinë e tyre kardio-respiratore, gjegjësisht vlerën më të madhe, si dhe shpenzimet totale të energjisë. Hetuesit gjithashtu mblodhën mostrat fekale nga vullnetarët dhe i përdornin ato për të analizuar mikrobiotikën e zorrëve të pjesëmarrësve.
Pas të gjitha vlerësimeve dhe analizave, studiuesit zbuluan se pjesëmarrësit me aftësi më të lartë kardio-frymëmarrëse kishin popullsi më të ndryshme bakteriale në zorrë, krahasuar me kolegët që kishin aktivitet të ulët kardio-respirator.
Të dhënat në këtë mënyrë tregojnë se ushtrimi me një intensitet që është mjaft i lartë dhe që mund të rrisë efektivitetin kardio-respirator, do të përmirësojë shëndetin e përgjithshëm si dhe mirëqenien e zorrëve, me përmbajtje bakteriale të ekuilibruar.
Burimi i lajmit – https://www.medicalnewstoday.com/articles/324465.php
Përktheu
STUDENTET.MK
