Sytë janë pjesa më e ndjeshme e trupit tonë. Na lejojnë të shohim botën rreth nesh dhe të shprehim ndjenjat tona më të thella.
Mënyra moderne e jetës, e cila përfshin ndezjen e përditshme në ekranet kompjuterike ose televizorët, telefonat e kështu me radhë. ndikon negativisht në shëndetin e syve, kështu që numri i njerëzve që mbajnë syza ose lente kontakti çdo ditë e mëshumë rritet. Kjo duhet të na kujtojë se është e nevojshme të bëjmë përpjekje shtesë për të minimizuar efektin negativ.
Harrojmë se ekzaminimet e syve nuk shërbejnë vetëm për patentë shoferi, por ne duhet t’i bëjmë ato rregullisht për të mbrojtur sytë në kohë dhe për të zbuluar sëmundjet e mundshme. Më poshtë janë disa këshilla për mbrojtjen e syve.
- Kur punon në një kompjuter, ekziston një rregull, “20-20-5”. Ndoshta kompjuteri juaj është i aktivizuar dhe funksionon për 24 orë, por kjo nuk vlen për ju. Pas 20 minutash pune në kompjuter dhe duke ndenjur në ekran, prisni 20 sekonda dhe shikoni në një objekt që është 5 metra larg nga ju. Në këtë mënyrë ju do tua jepni syve tuaj pushimin e duhur dhe poashtu për të shmangur lodhjen.
- Rreziku i sëmundjeve të syrit dhe të shikimit të dobësuar do të ulet në qoftë se ju e lini duhanin. Ky zakon i dëmshëm çon në një rrezik të kancerit të gjuhës, kancer të mushkërive, gishtat e verdhë dhe shumë pasoja të tjera të duhanit dhe nëse kjo nuk është e mjaftueshme për motivim, këtu është edhe një tjetër arsye për të lënë duhanin. Pirja e duhanit gjithashtu ndikon negativisht në shikim, duke rritur rrezikun e kataraktave, degjenerimin makular dhe dëmtimin e nervit optik.
- Gjumë 7-8 orë në ditë. Të dy sytë dhe pjesë të tjera të trupit tuaj kanë nevojë për pushim. Gjumë i pamjaftueshëm mund të çojë lehtë në lodhjen e syve, kështu që është e këshillueshme të japësh 7-8 orë gjumë cilësor.
- Mbroni syt me syze dielli. Mbani syze dielli sa herë që largohesh nga shtëpia, madje edhe në dimër. Syzet jo vetëm që mbrojnë sytë nga rrezet UV, por edhe i mbrojnë ato nga era e pakëndshme, si dhe nga papastërtitë dhe pluhurat që mund të përfundojnë lehtësisht brenda syrit. Në plazh rekomandohet një kapelë, për mbrojtje shtesë të syve nga ato pjesë që nuk janë të mbrojtura nga syzet.
- “Ushqeni sytë”. Çdo pjesë e trupit tuaj ndikon në ushqimin që hani, duke përfshirë edhe sytë tuaj. Konsumoni ushqime që përmbajnë antioksidantë dhe vitamina A, C dhe E. Hani edhe peshq dy herë në javë dhe spageti dhe gjithnjë e më shumë, brokoli, vezë, karrota, boronica, bajame, domate
- Hapni dhe mbyllni qerpikët shpesh, sepse përderisa punoni në kompjuter, njerëzit shpesh harojnë t’i mbyllin sytë dhe kjo rezulton me tharjen e syve. Herë pas here, largoni sytë nga ekranet dhe hapni dhe mbyllni qerpikët për disa herë me radhë sa më shpejt që mundeni.
- Mbani higjienën, lani duart rregullisht dhe mos prekni sytë për të shmangur infeksionet e syve. Nëse nuk i lani duart dhe keni qenë në kontakt me një objekt të papastër ose me para, dhe prekni sytë, atëherë mund të përjetoni infeksione të syrit. Një grup rreziku është përdoruesi i lenteve, për shkak të kontaktit të shpeshtë të duarve me sytë. Nëse bie në këtë grup, është shumë e rëndësishme të lani duart para vendosjes dhe largimit të lenteve.
Përmbledhi dhe përshtati
STUDENTET.MK
