Një studim i ri sugjeron se sa më shumë pompa që një njeri është në gjendje të kryej, aq më i ulët është rreziku i tij kardiovaskular dhe anasjelltas. Këto gjetje mund të krijojë një metodë të re të kontrollimit të rrezikut, e cila është e thjeshtë dhe nuk kërkon pajisje të kushtueshme të specializuara.
Të dhënat e Organizatës Botërore të Shëndetësisë (OBSH) tregojnë se çdo vit ka 17.9 milion vdekje për shkak të sëmundjeve kardiovaskulare (CVD), duke përbërë rreth 31 për qind të vdekjeve globale.
Shumë nga faktorët që rrisin rrezikun e sëmundjeve të zemrës janë të modifikueshme, kryesisht ato mund të jenë një dietë e pashëndetëshme, mungesë të aktivitetit fizik, pirja e duhanit, ose konsumimi i shpeshtë i alkoolit.
Lidhja ndërmjet ushtrimit dhe sëmundjeve të zemrës, nuk është e re.
Megjithatë, metodat aktuale të vlerësimit të duhur të përshtatshmërisë fizike në lidhje me rrezikun kardiovaskular, siç është stres testi i stërvitjes kardiake, janë të kushtueshme dhe mund të marrin një sasi të mjaftueshme kohore për tu kryer.
Tani, gjetjet e një studimi të ri nga Harvard T.H. Chan, Shkolla e Shëndetit Publik në Boston, MA, mund të lejojë mjekët të vlerësojnë më lehtë rrezikun, bazuar thjesht në aftësinë e një personi për të përfunduar pompa të shumta.
Sa më shumë pompa që mund të bëni, aq më mirë!
Në studimin aktual – i cili është ndoshta i pari i këtij lloji – ekipi hulumtues mblodhi dhe analizoi informacionin shëndetësor të 1,104 zjarrfikësve aktivë meshkuj me një moshë mesatare prej 39,6 dhe BMI mesatare prej 28,7. Këto të dhëna mbulonin një periudhë prej 10 vjetësh, ndërmjet viteve 2000 dhe 2010.
Në fillim të studimit, hulumtuesit matën si kapacitetin e pompave ashtu edhe të dhënat e stres testit të secilit pjesëmarrës.
Hetuesit mblodhën të dhënat e mbetura relevante përmes provimeve fizike vjetore të pjesëmarrësve dhe duke u kërkuar atyre të plotësonin një seri pyetësorësh mjekësorë.
Gjatë gjithë periudhës 10-vjeçare, studiuesit regjistruan 37 ngjarje të lidhura me sëmundjet kardiovaskulare në grupin e vullnetarëve. Veçanërisht, një nga këto rezultate kanë ndodhur tek meshkujt të cilët kanë qenë në gjendje të bëjnë pompa rreth 40 ose më pak, në fillim të studimit.
Analiza e hetuesve zbuloi se pjesëmarrësit të cilët kishin qenë në gjendje të përfundonin mbi 40 pompa që në fillim, ishin me një rrezik kardiovaskular 96% më të ulët se sa meshkujt të cilët kishin përfunduar 10 ose më pak pompa.
Megjithatë, studiuesit paralajmërojnë se për shkak se grupi i tyre i pjesëmarrësve ishte i përbërë vetëm nga individë të një grupi të caktuar – burra aktivë, në vitet ’30 dhe ’40, – gjetjet nuk mund të zbatohen për gratë, ose për burrat që janë më të moshuar, më të rinj ose më pak fizikisht aktivë sesa ato në grup.
Përktheu dhe përshtati
STUDENTET.MK
