Çka janë acidet yndyrore omega-3?
Omega-3 në fakt janë acide, nga të cilat trupi ynë ka një nevojë të madhe për të funksionuar në mënyrë efektive. Ekzistojnë tri lloje të acideve yndyrore omega-3:
DHA (acid docosaxaenoic)
EPA (acid eikosapentaenoik)
ALA (alfa-linolenic acid)
Studimet kanë treguar se përqendrimi më i lartë i acideve yndyrore DHA dhe EPA mund të gjenden në peshq që jetojnë në ujërat e ftohtë, domethënë në peshq të tillë si salmoni, skumbri dhe tuna.
ALA acidet yndyrore gjenden në disa nga pemët e lajthive dhe vajra të caktuara bimore. Është e rëndësishme të përmendet se trupi konverton acidin ALA në acid DHA dhe EPA.
E mrekullueshme për trupin dhe shpirtin
Gjatë dhjetë viteve të fundit, disa studime kanë treguar se acidet yndyrore omega-3 përmirësojnë ndjeshëm shëndetin e zemrës dhe ulin rrezikun e ndërlikimeve të zemrës. Gjithashtu, studimet kanë treguar se njerëzit me nivelet më të ulëta të omega-3 në gjak kanë 81% më shumë gjasa të përjetojnë një dështim të papritur të zemrës (infarkt) sesa ata që kanë nivele të larta të omega-3 në gjak.
Omega -3 gjithashtu ndihmon në punën e zemrës sonë, në mënyrë që:
Ul nivelin e triglicerideve.
Ul nivelin e presionit të lartë të gjakut
Redukton rrezikun e sulmit në zemër.
Acidet e Omega-3 janë të dobishme edhe për pjesën tjetër të trupit. Për shembull, ata mund të ndihmojë në disa çrregullime të tilla si artriti ose dhimbje në ciklin menstrual dhe janë të dobishme tek individët të cilët vuajnë nga osteoporoza.
Acidet e Omega-3 kanë një efekt pozitiv në shëndetin mendor. Studimet kanë treguar se depresioni është më i zakonshëm tek individët që konsumojnë pak ose nuk konsumojnë yndyrën e omega-3.
Acidet e Omega-3 nuk janë të mira vetëm për shëndetin tonë të përgjithshëm, por ato gjithashtu mund të përmirësojnë rezultatin e ushtrimeve të dietës dhe humbjes së peshës. Studimet kanë treguar se njerëzit që përpiqen të humbin peshë duke përdorur ushtrime dhe dieta kontrollojnë më mirë sheqerin dhe kolesterolin nëse acidet yndyrore omega-3 janë pjesë e dietës së tyre.
Përmblodhi dhe përshtati
STUDENTET.MK
