Një mendje e shëndetshme mund të banojë vetëm në një trup të shëndetshëm. Shëndeti mendor përfshin gjithçka që lidhet me mendjen. Kjo ndikon seriozisht në mënyrën se si një person mendon, ndjehet, vepron ose reagon. Një mendje që nuk është e shëndetshme nuk mund të funksionojë kurrë si duhet në nivelet emocionale, sociale dhe psikologjike.
Pse është e rëndësishme të qëndroni të shëndetshëm mentalisht?
Nëse një person nuk është i shëndetshëm mentalisht, mund të përfundoj në kushte fatale si: vetëvrasjeje, depresion, varësi, skizofreni, trauma, çrregullim bipolar, ankth, etj.
Prandaj, është thelbësore të qëndroni të shëndoshë mentalisht për t’i mbajtur larg këto sëmundje dhe të ndihmoni për të trajtuar stresin dhe sfidat e përditshëm që ofron jeta.
Çfarë mund të jetë e rrezikshme për mendjen?
Një mënyrë jetese jo e shëndetshme është gjithmonë e rrezikshme për mendjen. Orari i parregullt i gjumit gjithashtu mund të jetë i rrezikshëm . Sipas një studimi, qëndrimi zgjuar gjatë orëve të vona të natës mund të prishë zhvillimin mendor. Kjo gjithashtu do të rezultojë në mungesë të përqendrimit dhe do ta bëjë personin të ndihet letargjik gjatë gjithë kohës. Gjitjashtu edhe pirja e duhanit, alkoolit dhe përdorimi i drogës gjithashtu mund të dërgojnë deri në sëmundje mendore.
Ju mund të jeni të shëndetshëm mentalisht duke ndjekur vetëm 9 këshilla të thjeshta:
Duajeni veten: Kurrë mos e urreni veten. Është shumë e rëndësishme ta duash, ta respektosh dhe të kënaqesh duke qenë vetja jote origjinale. Vetëm kur pranoni veten, ju mund të filloni drejtë një ndryshimi pozitiv, dhe të fitoni respektin dhe dashurinë e njerëzve që ju rrethojnë.
Gjeni mundësi për të qenë i lumtur: Askush nuk duhet ta lëshojë mundësinë të buzëqeshë. Sa më shumë të buzëqeshni, aq më shumë jeni pozitiv. Lumturia është një çelës kryesor për të qëndruar i shëndetshëm mendërisht.
Shmangni stresin: Kjo është shumë thelbësore. Stresi e bën mendjen tuaj të rëndë, duke e bërë të vështirë për një person të mendojë në mënyrë racionale. Stresi i jetës së përditshme mund të vrasë lumturinë. Kur mendja është plot tensione, është e detyruar t’ju çojë në depresion.
Gjeni qëllimin tuaj të jetës: Jeta duhet të jetohet deri në pikën e fundit. Duhet të gjeni kuptimin e jetës suaj dhe të përpiqeni t’i bëni njerëzit të lumtur përreth jush. Vendosni qëllime për veten tuaj dhe përpiquni t’i arrini ato. Kjo do ta mbajë mendjen të angazhuar.
Vleresoni mardheniet: Duhet të vlerësoni marrëdhëniet dhe të krijoni kohë për njerëzit që janë afër teje. Kjo ju ndihmon të rrethoheni me njerëz pozitivë dhe gjithashtu të siguroni që keni njerëz mbështetës gjithmonë pranë vetes.
Meditoni: Meditimi ndihmon në qetësimin e nervave tuaj. Në fund të çdo dite, kur meditoni, ju lëshoni mendimet negative. Ju gjithashtu mund ta konsideroni fillimin e ditës tuaj me meditim për të përqendruar energjitë tuaja pozitive dhe të jepni një fillim të lumtur për ditën tuaj.
Bëni gjumë të mjaftueshëm: Rekomandohet gjumë për një të rritur të flejë të paktën 7-8 orë. Mungesa e gjumit mund të çojë në acarim dhe kështu të ndikojë në keq funksionimin tuaj. Gjumi i mirë është çelësi për të qëndruar vigjilent dhe i përqendruar gjatë gjithë ditës.
Ushtrimi i rregullt: Mbajeni veten aktiv fizikisht duke ushtruar çdo ditë. Ideja është të mbash veten në lëvizje, në mënyrë që të mos ketë asnjë sekondë të vetme dembel në ditën tuaj. Kjo do t’ju mbajë aktive dhe të motivuar gjatë gjithë ditës.
Mesazhi është i qartë: Në mënyrë që të qëndroni të shëndetshëm mentalisht, të aftë dhe të shkëlqyeshëm, buzëqeshni sa më shumë që të keni mundësi. Trupi, mendja dhe shpirti janë të lidhur ngushtë njëri me tjetërin. Nëse njëri preket, funksionimi i dy të tjerëve gjithashtu ndërpritet.
Përgatiti dhe përshtati:
STUDENTET.MK
