Shtresa më e jashtme e lëkurës së kameleonit është transparente. Nën këtë ndodhen disa shtresa të tjera të lëkurës që përmbajnë qeliza të specializuara të quajtura kromatofore. Kromatoforët në çdo nivel janë të mbushura me qese të llojeve të ndryshme të pigmentit. Shtresa më e thellë përmban melanofore, të cilat janë të mbushura me melaninë kafe (i njëjti pigment që i jep lëkurës së njeriut nuancat e saj të shumta). Në krye të kësaj shtrese janë qelizat e quajtura iridofore, të cilat kanë një pigment blu që reflekton dritën blu dhe të bardhë. Shtresa në krye të atyre qelizave janë ksantoforët dhe eritroforët, të cilët përmbajnë përkatësisht pigmente të verdhë dhe të kuq.
Normalisht, pigmentet mbyllen brenda qeseve të vogla brenda qelizave, por kur një kameleon përjeton ndryshime në temperaturën e trupit ose gjendjen shpirtërore, sistemi i tij nervor u thotë kromatoforeve specifike të zgjerohen ose tkurren. Kjo ndryshon ngjyrën e qelizës. Duke ndryshuar aktivitetin e kromatoforeve të ndryshëm në të gjitha shtresat e lëkurës, kameleoni mund të prodhojë një larmi të tërë ngjyrash dhe modelesh.
Për shembull, një kameleon i ngazëllyer mund të bëhet i kuq duke zgjeruar plotësisht të gjitha eritroforët e tij, duke bllokuar ngjyrat e tjera poshtë tyre. Nga ana tjetër, një kameleon i qetë, mund të bëhet i gjelbër duke kontraktuar eritroforët e tij dhe duke lejuar që disa nga drita e reflektuar blu nga iridoforet e tij të përzihen me shtresën e tij të ksantoforëve të verdhë disi të kontraktuar.
Përgatiti dhe përshtati:
WWW.STUDENTËT.MK
