Të gjithë kemi kaluar kohë duke përdorur gjendjen Incognito (gjendjen e fshehtë) në ndonjë rast. Në varësi të asaj që po bëni dhe çfarë faqesh shfletoni, megjithatë mund të mos jetë aq i sigurt sa mendoni.
Në thelb, gjendja e fshehtë është si ai shoku që harron një bisedë të ndodhur ndonjëherë posa të ketë mbaruar. Ju mund të shikoni në të gjitha faqet që dëshironi, dhe posa të mbyllni shfletuesin, gjithçka që keni bërë do të zhduket. Historia juaj nuk ruhet, dhe të gjitha cookie-t gjithashtu fshihen.
Cookies janë si gjurmues të vegjël që mbajnë skedarët në veprimet tuaja. Ata i tregojnë një faqes në internet nëse e keni vizituar më parë dhe çfarë emri të përdoruesit ose adresën e emailit keni përdorur atje. Nëse hidhni diçka në shportën tuaj në Amazon – ose ndonjë faqe tjetër tregtare, kur përdorni shfletuesin tuaj normalisht, artikujt do të jenë akoma atje ditë më vonë.
Përdorimi i gjendjes së fshehtë do të thotë që asnjë nga këto gjëra nuk do të ndodhë, do të duhet të hyni manualisht nëpër faqe. Blerjet duhet të përfundojnë në atë seancë, ose përndryshe do t’i humbni informatat plotësisht. Meqenëse nuk e mban historinë tuaj, mund të jetë një mjet i shkëlqyeshëm për t’u përdorur nëse jeni duke kërkuar anonimitet themelor. Në fund të fundit, ju nuk doni që dikush tjetër të përdorë shfletuesin tuaj dhe të shohë ata postime që ju i keni parë.
Jo aq siguri të plotë
Facebook-u mund të fillojë t’ju gjurmojë nëse identifikoheni (kyçeni me profilin tuaj) përderisa po përdorni gjendjen e fshehtë dhe ju jep të gjitha reklamat e synuara që mund të kërkoni. E njëjta gjë me Twitter, Gmail ose çdo faqe tjetër ku identifikoheni. Cookies dhe historiku juaj do të fshihen, por faqet e internetit do të dinë se çfarë keni bërë gjatë hyrjes.
Poashtu edhe IP adresa, lloji i pajisjes dhe shfletuesi juaj mund të shihen të gjitha. Kjo është e njohur si gjurmë gishtash, dhe kjo ju bën të ndiheni sikur incognito nuk është aq i sigurt sa mendoni.
Keni ndonjë mendim për këtë? A e përdorni gjendjen e fshehtë shumë? Na tregoni më poshtë në komente në Facebook.
Përgatiti dhe përshtati:
WWW.STUDENTËT.MK
