Aeroporti më i ngarkuar në botë, Aeroporti Ndërkombëtar i Dubait (DXB), ka prezantuar një mënyrë të re për të verifikuar identitetin e pasagjerëve pa u kërkuar atyre të tregojnë dokumentet e tyre ose edhe të qëndrojnë në një pikë kontrolli. E gjithë kjo bëhet e mundur nga një sistem kompjuterik i përparuar për “udhëtim pa dokumente”, i cili mbështetet gjithashtu në inteligjencën artificiale.
Mjaft më me takime individuale
Ky sistem inovativ, i quajtur “qilimi i kuq”, lejon deri në dhjetë pasagjerë të kalojnë nëpër kontrollin e imigracionit në të njëjtën kohë vetëm në pak sekonda, pa pasur nevojë të tregojnë pasaporta ose karta për udhëtim. Pasagjerët thjesht ecin nëpër një korridor të dedikuar, ku inteligjenca artificiale dhe sistemet e përparuara të njohjes së fytyrës verifikojnë identitetin e tyre në kohë reale.
Teknologjia mbështetet në të dhëna që sinkronizohen para se të mbërrijnë pasagjerët, duke siguruar një kalim të qetë dhe të shpejtë. Kjo zëvendëson metodën tradicionale të kontrollit “një nga një” me një zgjidhje shumë më efikase, duke e bërë udhëtimin më të thjeshtë dhe më pak stresues, sipas Aeroportit Ndërkombëtar të Dubait.
Përveç përshpejtimit të ndjeshëm të procesit, korridori i ri dyfishon kapacitetin e përpunimit të pasagjerëve në aeroport dhe zvogëlon mbingarkesën. Sistemi i inteligjencës artificiale ndihmon gjithashtu në zbulimin e parregullsive, duke dërguar automatikisht çdo dokument të dyshimtë te ekspertët e falsifikimit për verifikim të mëtejshëm.
Zgjerimi i automatizimit
Futja e kësaj teknologjie e forcon më tej pozicionin e aeroportit si aeroporti më i ngarkuar në botë për nga trafiku ndërkombëtar i pasagjerëve, sipas raportit të vitit 2024 të Këshillit Ndërkombëtar të Aeroporteve.
Një korridor i ngjashëm inteligjent, i cili do të jetë në gjendje të akomodojë deri në dhjetë pasagjerë në të njëjtën kohë, është planifikuar të zbatohet në Aeroportin Ndërkombëtar Al Maktum të Dubait. Planet e ardhshme përfshijnë automatizimin e plotë të trajtimit të bagazheve, ku robotët do të transferojnë çantat nga makinat e pasagjerëve direkt në sportelin e regjistrimit.
Përgatiti dhe përmblodhi:
WWW.STUDENTET.MK
