Të kesh një sistem imunitar të dobësuar do të thotë një shans më i lartë për sëmundje dhe infeksion – dhe jo vetëm gjatë një pandemie globale.
Çfarë do të thotë të jesh imunokompromis?
Individët e imunokompromizuar ndonjëherë mund të jenë të prirur ndaj infeksioneve ose komplikimeve më serioze sesa personat e shëndetshëm. Ata janë gjithashtu më të prirur për të marrë infeksione oportuniste, të cilat janë infeksione që normalisht nuk prekin individë të shëndetshëm.
Sistemi imunitar mbron organizmin nga infeksionet e ndryshme me anë të një “ushtrie të fortë”. Më sakt, na mbron nga armiqtë e jashtëm të huaj si: viruse, baktere, toksina, poashtu edhe nga sëmundje si kanceri. Por kur jeni i imunokompromisuar, mbrojtja e sistemit tuaj imunitar është e ulët, duke ndikuar në aftësinë e tij për të luftuar infeksionet dhe sëmundjet.
Në varësi të arsyes se përse sistemi juaj imunitar është i kompromentuar, kjo gjendje mund të jetë e përhershme ose e përkohshme.
Këto gjëra mund të dobësojnë sistemin tuaj imunitar:
Sëmundjet kronike
Kushte të caktuara, të tilla si HIV dhe AIDS, shkatërrojnë qelizat imune, duke e lënë trupin tuaj të ndjeshëm ndaj infeksioneve tjera. Kushtet autoimune i kthejnë qelizat imune në agjentë të dyfishtë që luftojnë kundër indeve tona të shëndetshme. Sëmundjet e zakonshme autoimune përfshijnë: Artriti reumatoid, lupus, diabeti i tipit 1. Sëmundjet respiratore si astma mund të ndikojë gjithashtu në sistemin tuaj imunitar. “Leukemia ose limfoma janë gjithashtu sëmundje të sistemit imunitar”, janë sëmundje të qelizave të bardha të gjakut të cilat janë të nevojshme për t’iu përgjigjur infeksioneve.”
Trajtimet mjekësore
Disa trajtime të kancerit dobësojnë sistemin imunitar pasi shkatërrojnë qelizat kancerogjene. Dhe nëse keni një sëmundje autoimune, një sistem imunitar i shtypur është rezultati i dëshiruar.
Meqenëse sistemi imunitar i vetë pacientit është ringjallur dhe sulmon pjesë të ndryshme të trupit, trajtimet për sëmundjet autoimune janë shpesh ilaçe të dizajnuara për të dobësuar sistemin imunitar”, shpjegon Dr. Porter. Ky proces mund të parashikojë probleme të dyfishta, pasi mund t’ju bëjë më të prirur për të qenë të prirur për infeksion me COVID-19 dhe t’ju rrezikojë më shumë për sëmundje tjera infektive. Mund të kufizojë gjithashtu aftësinë e trupit tuaj për të sekretuar antitrupa që mund të nevojiten për të luftuar infeksionin.
Trajtime që përfshijnë përdorim afatgjatë të kortikosteroideve dhe terapive si ilaçet antireumatike e të tjera, poashtu dukshëm ndikojnë në dobësimin e sistemit imunitarë.
Transplantimi i palcës së kuqe
Ndjeshmëria ndaj infeksioneve është më e madhe në javët e para pas një transplantimi të palcës së kuqe pasiqë kemi reduktim të qelizave imune në organizëm.
Mosha
Me kalimin e viteve sistemi imunitar dobësohet me ç’rast edhe ndjeshmëria ndaj infeksioneve rritet, dhe personat në moshë janë më të prirur për infeksion me SARS-CoV-2
Pirja e duhanit
Poashtu edhe pirja e duhanit te njerëzit, krijon tendencë të sëmuren më shumë nga infeksionet. Mund të jetë që pirja e duhanit të ndikon në aftësinë e sistemit imunitar për të reaguar në mënyrë jo të përshtatshme.
COVID-19 është një sëmundje e frymëmarrjes, që do të thotë se sulmon hundën, fytin dhe mushkëritë, përveç organeve të tjera. Pirja e duhanit dëmton mushkëritë, kështu që ata që pinë duhan gjithashtu mund të mos kenë ind mjaftueshëm të shëndetshëm të mushkërive për t’i bërë ballë virusit.
Pacientët me sistem të dobët imunitar mund të mos jenë në gjendje të luftojnë në mënyrë të përshtatshme me COVID-19. “Ata mund të mos kenë përgjigjen imune të nevojshme për ta luftuar atë në fazat e tij të fillimit. Aftësia e tyre për të sekretuar antitrupa mund të jetë gjithashtu e kufizuar, kështu që ata mund të mos jenë në gjendje të luftojnë virusin pasi të infektohen.
Përgatiti dhe përshtati:
WWW.STUDENTET.MK
