Biopsia e prostatës është një procedurë për të marrë mostrat e indeve të dyshimta nga prostata. Prostata është një gjëndër e vogël, në formë arre vetëm tek burrat që prodhon lëng që ushqen dhe u jep energji për levizje spermatozoidëve.
Gjatë një biopsie të prostatës një gjilpërë përdoret për të mbledhur një numër të mostrave të indit të prostatës. Procedura kryhet nga një mjek i specializuar në sistemin urinar dhe organet seksuale të burrave (urolog). Urologu mund të rekomandojë një biopsi të prostatës nëse rezultatet nga testet fillestare serologjike janë të dyshimta.
Mostrat e indeve nga biopsia e prostatës shqyrtohen nën mikroskop për anomali të qelizave që janë një shenjë e kancerit të prostatës. Nëse kanceri është i pranishëm, vlerësohet për të përcaktuar se sa shpejt ka të ngjarë të përparojë dhe për të përcaktuar opsionet tuaja më të mira të trajtimit.
Biopsia e prostatës mund të përfshijë:
Kalimi i gjilpërës përmes murit të rektumit (biopsi transrektale). Kjo është mënyra më e zakonshme për të kryer një biopsi të prostatës. Futja e gjilpërës përmes zonës së lëkurës midis anusit dhe skrotumit (biopsi transperineale). Një prerje e vogël bëhet në zonën e lëkurës (perineum) midis anusit dhe skrotumit. Gjilpëra e biopsisë futet përmes prerjes dhe në prostatë për të nxjerrë një mostër të indeve.
Metoda ultrasonografia transrektale përdor valët e zërit për të krijuar imazhe të prostatës tuaj. Mjeku përdorë imazhet për të identifikuar zonën që duhet të jetë e mpirë me një injeksion për të zvogëluar shqetësimin e lidhur me biopsinë. Imazhet me ultratinguj përdoren gjithashtu për të drejtuar gjilpërën e biopsisë së prostatës në vend.
Mjeku juaj mund të synojë një zonë të dyshimtë për biopsi ose mund të marrë mostra nga disa vende në prostatën tuaj. Në përgjithësi, merren 10 deri në 12 mostra të indeve. E gjithë procedura zakonisht zgjat rreth 10 minuta.
Pas procedurës:
Mjeku juaj mund të ju rekomandojë që të bëni vetëm aktivitete të lehta për 24 deri 48 orë pas biopsisë së prostatës.
Do të duhet të merrni një antibiotik për disa ditë. Ju gjithashtu mund të keni gjakderdhje të lehtë nga rektumi, poashtu gjak në urinë, jashtëqitje, e ndoshta edhe nuancë të kuqe në spermën tuaj. Kjo gjendje mund të zgjas disa javë.
Një mjek i specializuar në diagnostikimin e kancerit dhe anomalive të tjera të indeve (patolog) do të vlerësojë mostrat e biopsisë së prostatës. Patologu mund të tregojë nëse indi i hequr është kanceroz dhe, nëse kanceri është i pranishëm, të vlerësojë sa agresiv është.
Përgatiti dhe përshtati:
WWW.STUDENTET.MK
