Ka disa vende në Tokë që të ngrinë kockat, por cila është temperatura më e ulët dhe e ftohtë e regjistruar ndonjëherë dhe ku ishte ajo? Toka mund të ftohet shumë. Nga Poli i Jugut deri në Rrethin Arktik, temperaturat ekstreme të ftohta mund të bien deri në nivele ngrirëse edhe për kockat tona. Por cilat janë temperaturat më të ftohta të regjistruara ndonjëherë? Dhe cilat janë qytetet më të ftohta, apo pjesët më të ftohta të banuara deri më sot në Tokë?
Në përgjithësi, temperatura mesatare e Tokës varion nga -25 gradë Celsius në +45. Në krahasim, temperaturat e ditës në planetin Mërkur rriten në 430 C ndërsa natën, ato bien në – 180 C. Megjithatë, Toka mund të shohë ekstreme më të ndjeshme. Para jush do të ju sjellim disa nga temperaturat më të ftohta të regjistruara ndonjëherë në planetin tonë.
KU ËSHTË VENDI MË I FTOHTË NË TOKË?
Rrafshnalta e Antarktikës Lindore, Antarktikë — minus 98 C
Në një pllajë të akullt në Antarktidën lindore, temperaturat mund të bien deri në minus 98 C, duke e bërë atë vendin më të ftohtë në Tokë.
Studiuesit e zbuluan këtë duke rishqyrtuar të dhënat satelitore të marra mbi një kreshtë në shtresën e akullit të Antarktikut që më parë kishte arritur minus 93 C. Analiza e tyre e re, e publikuar në revistën Geophysical Research Letters, tregoi se temperaturat në fakt dolën të jenë edhe më të ulëta.
Ata zbuluan se faktorët që nxisin këto temperatura të ftohta ishin kushtet e pastra dhe ajri jashtëzakonisht i thatë – ngase lagështia mund të bllokojë nxehtësinë në ajër. Të dyja këto kushte duhet të vazhdojnë për disa ditë që temperatura të bjerë në ato përmasa të përmendura.
Ted Scambos, një shkencëtar i lartë kërkimor në Qendrën Kombëtare të të Dhënave të Borës dhe Akullit në Universitetin e Kolorado-Boulder, i cili udhëhoqi studimin, tha në një deklaratë se ky duket të jetë kufiri se sa ftohtë mund të bëhet në sipërfaqen e Tokës.
CILA ISHTE TEMPERATURA E MËPARSHME MË E FTOHTË E REGJISTRUAR NDONJËHERË?
Stacioni Kërkimor Vostok, Antarktikë —minus 89,2 C
Përpara se të vendoseshin temperaturat e ulëta rekorde në Pllajën e Antarktikës Lindore më 10 gusht 2010, Stacioni Kërkimor Vostok, i cili ndodhet 808 milje (1,301 kilometra) nga Poli i Jugut gjeografik në Antarktikë, mbante rekordin botëror për temperaturat më të ftohta. Për një periudhë prej dhjetë ditësh në verën e hemisferës jugore më 21 korrik 1983, të dhënat e motit regjistruan një temperaturë të ftohtë minus 89.2 C.
Kushtet klimatike duhej të ishin perfekte që temperaturat të arrinin kaq të ulëta. Në vitin 2009, studiuesit zbuluan se një masë ajri e ftohtë parandaloi që ajri relativisht i ngrohtë nga Oqeani Jugor të përzihej, duke bllokuar stacionin në një vorbull ajri të akullt. Nuk kishte gjithashtu asnjë mbulesë reje, e cila do të kishte ndihmuar në kapjen e nxehtësisë.
Në studimin e tyre, të botuar në Journal of Geophysical Research, studiuesit thanë se me kushtet e duhura, mund të bëhet edhe më i ftohtë në Stacionin Vostok, me një temperaturë të ulët potenciale rekord prej minus 96 C.
KU ËSHTË VENDI MË I FTOHTË I BANUAR DERI MË SOT?
Oymyakon, Rusi — minus 71,2 C
Fshati Oymyakon në Siberinë lindore njihet si vendi më i ftohtë i banuar deri më sot në Tokë. Emri i tij përkthehet në “ujë që nuk ngrin”, për shkak të një burimi termal aty pranë. Qyteti ishte fillimisht një destinacion për barinjtë e drerave, të cilët do t’i sillnin kopetë e tyre në burimin për të pirë ujë.
Temperaturat mesatare të dimrit në Oymyakon arrijnë minus 50 C. Dita më e ftohtë e regjistruar e qytetit ishte në vitin 1924, kur temperaturat ranë në minus 71.2 C.
CILA ËSHTË TEMPERATURA MË E ULËT E REGJISTRUAR NË HEMISFERËN VERIORE?
Stacioni i motit Klinck, Grenlandë — minus 69,6 C
Në zemër të Rrethit Arktik, në mes të shtresës së akullit të Grenlandës, një stacion i vetëm meteorologjik regjistroi temperaturën më të ulët të regjistruar ndonjëherë në hemisferën veriore më 22 dhjetor 1991. Atë ditë, temperatura në stacionin e motit Klinck kishte rënë në minus 69,6 gradë C.
Stacioni i motit Klinck qëndron në një lartësi prej 3,105 m, afër pikës më të lartë të Grenlandës të malit Gunnbjørn. Studiuesit që punojnë për Organizatën Botërore të Meteorologjisë (WMO) gjetën temperaturën e ulët rekord ndërsa gërmonin një arkiv 30-vjeçar, të krijuar në vitin 2007. Studiuesit e WMO publikuan gjetjet e tyre në shtator të vitit 2020 në Gazetën Tremujore të Shoqërisë Mbretërore Meteorologjike.
Kjo tejkaloj rekordin e mëparshëm për temperaturën më të ftohtë të regjistruar ndonjëherë në hemisferën veriore për minus 2 C. Para Klinck, temperatura më e ulët rekord ishte minus 67.8 C, e cila u regjistrua në Verkhoyansk në shkurt 1892 dhe Oymyakon në janar 1933. Të dyja këto vende janë në Rusi.
KU ËSHTË QYTETI MË I FTOHTË NË BOTË?
Yakutsk, Rusi — minus 62,2 C
Nga qytetet më të ftohta në botë, Yakutsk është më i ftohti. Më 18 janar 2023, qyteti siberian theu një rekord të ri kur temperaturat ranë në minus 62.2 C – më e ftohta në gati dy dekada.
Qyteti me 250,000 banorë ndodhet në bregun perëndimor të lumit Lena, 95 metra mbi nivelin e detit, i vendosur vetëm 450 km në jug të Rrethit Arktik, i cili është është gjithashtu qyteti më i madh i ndërtuar në tokë të ngrirë. Temperatura më e ftohtë e regjistruar ndonjëherë në Yakutsk u vendos më 25 shkurt 1891, kur u arrit një minimum prej minus 64,4 C.
Si e përballojnë vendasit të ftohtin? Plot tesha. Vetëm duke u veshur me shumë shtresa. “Vetëm vishuni ngrohtësisht me shumë shtresa, sikur një lakër,” tha një banor vendas për CNN.
KU ISHTE TEMPERATURA MË E ULËT NË SHBA?
Prospect Creek Camp, Alaska —minus 62,2 C
Më 23 janar 1971, Alaska regjistroi temperaturën e saj më të ulët ndonjëherë: minus 62.2 C. I gjithë muaji ishte dukshëm i ftohtë, me temperaturë mesatare që arriti vetëm minus 35.4 C.
Kjo mundi rekordin e mëparshëm për temperaturën më të ulët në Shtetet e Bashkuara, i cili ndodhi më 20 janar 1954 në Montana. Nivelet më të ulëta të asaj dite arritën në minus 56.5 C.
Në shkurt të vitit 2022, klimatologu dhe blogeri, Brian Brettschneider, postoi në Twitter se temperatura ndjeshme kishte rënë në minus 68 C në Kalimin Howard të Alaskës, në pjesën veriore të shtetit.
Gjithashtu në Alaskë, Parku Kombëtar Denali prej 2.4 milionë hektarë, ka parë disa temperatura rrëqethëse. Në shkurt 1999, Parkut Kombëtar Denali arriti një rekord të ulët prej minus 47 C. Denali është mali më i lartë në Amerikën e Veriut. Pika e saj, e cila është e mbuluar me akull dhe borë gjatë gjithë vitit, ka një stacion të automatizuar të motit që regjistron drejtimin dhe shpejtësinë e erës, lagështinë, temperaturën dhe presionin barometrik.
Temperaturat në majën e Denalit mund të arrijnë minus 51 C. Temperatura mesatare e dimrit në park bie në minus 19 C ndërsa temperatura mesatare vjetore nuk është shumë më e lartë në minus 2 gradë C.
TEMPERATURA EKSTREME DHE NDRYSHIME KLIMATIKE
Shkencëtarët studiojnë temperaturat ekstreme për të kuptuar më mirë sistemin e Tokës në tërësi. Në veçanti, temperaturat ekstreme të ftohta mund t’i ndihmojnë shkencëtarët të kuptojnë se si klima aktualisht po priret drejt temperaturave më të ngrohta në përgjithësi.
“Unë besoj se ne kemi shumë për të mësuar rreth ndryshimeve klimatike nga vendet jashtëzakonisht të ftohta,” tha për Live Science Howard Diamond, një shkencëtar klimatik në Administratën Kombëtare të Oqeanit dhe Atmosferës.
Në veçanti, duke ditur se sa e ftohtë mund të bëhet Toka, i lejon shkencëtarët të mbajnë gjurmët e periudhave anormale të ngrohtësisë. “Vetëm për shkak se zonat mund të ftohen sepse ndryshueshmëria e motit është një fakt i jetës, këto temperatura të ftohta nuk anulojnë faktin që ndryshimi i klimës po vazhdon dhe se planeti vazhdon të ngrohet”, tha Diamond.
Përgatiti dhe përmblodhi:
WWW.STUDENTET.MK
