Elektrokardiogrami (EKG) është një metodë diagnostifike e thjeshtë që mund të përdoret për të kontrolluar ritmin dhe aktivitetin elektrik të zemrës suaj. Sensorët e vendosur në lëkurë përdoren për të pranuar sinjalet elektrike të prodhuara nga zemra juaj sa herë që ajo rreh. Këto sinjale regjistrohen nga një makinë dhe shikohen nga një mjek për të parë nëse ka diçka të pazakontë. Një EKG mund të kërkohet nga një specialist i zemrës (kardiolog) ose ndonjë mjek që mendon se mund të keni ndonjë problem me zemrën tuaj. Pavarësisht se ka një emër të ngjashëm, një EKG nuk është e njëjtë me një ekokardiogramin, i cili paraqet një skanim të zemrës.
Kur përdoret EKG?
Një EKG mund të përdoret për të hetuar simptomat e një problemi të mundshëm të zemrës, të tilla si dhimbje gjoksi, rrahje të zemrës (rrahje zemre të papritura të dukshme), marrje mendsh dhe shkurtim i frymëmarrjes. Një EKG mund të ndihmojë në zbulimin e çregullimeve të zemrës sikur:
–Aritmi– ku zemra rreh shumë ngadalë, shumë shpejt, ose në mënyrë të parregullt
–Sëmundje koronare të zemrës– ku furnizimi i zemrës me gjak bllokohet ose ndërpritet nga grumbullimi i substancave yndyrore
–Sulmet në zemër– ku furnizimi i zemrës me gjak bllokohet papritur
–Kardiomiopatia– ku muret e zemrës trashen ose zgjerohen
Një seri EKG-ve gjithashtu mund të kërkohen për të monitoruar një person tashmë të diagnostikuar me një gjendje jonormale të zemrës ose një personit që është duke marrë ilaçe që dihet se ndikojnë potencialisht në zemër.
Si kryhet EKG?
Ka disa mënyra të ndryshme që mund të kryhet EKG. Në përgjithësi, testi përfshin bashkimin e një numri të sensorëve të vegjël, të quajtur elektroda në krahët, këmbët dhe gjoksin tuaj. Këto janë të lidhura me tela me një makinë regjistruese EKG.
Para se të bashkohen elektrodat, zakonisht do të duhet të hiqni veshjen tuaj të sipërme dhe gjoksi juaj mund të ketë nevojë të rruhet ose pastrohet.
Vetë testi zakonisht zgjat vetëm disa minuta dhe ju duhet të jeni në gjendje të shkoni në shtëpi për kohë të shkurtë ose të ktheheni në pavijon nëse tashmë po qëndroni në spital.
Një makinë regjistruese EKG zakonisht tregon rezultatin në formë të grafit i shfaqur në mënyrë elektronike ose i shtypur në letër.
A ka ndonjë rrezik apo efekt anësor?
EKG është një test i shpejtë, i sigurt dhe pa dhimbje. Energjia elektrike nuk futet në trupin tuaj gjatë kryerjes së procedures.
Mund të ndjeni shqetësim të lehtë kur elektrodat hiqen nga lëkura juaj – dhe disa njerëz mund të zhvillojnë një skuqje të lehtë ku elektrodat ishin vendosur
PËRGATITI DHE PËRMBLODHI:
WWW.STUDENTET.MK
